தமிழகத்தில் 2,222 பட்டதாரி ஆசிரியர் பணியிடங்கள் நிரப்பப்படாமல் காலியாக உள்ளன. இந்த பணியிடங்களை நிரப்புவதற்கான போட்டித்தேர்வு வரும் 2024 ஜனவரி மாதம் 7-ஆம் தேதி நடைபெரும் என்று ஆசிரியர் தேர்வு வாரியம் அறிவித்துள்ளது.
ஆசிரியர் தகுதித் தேர்வு 2-ல் தேர்ச்சிப் பெற்ற பட்டதாரிகள், வரும் நவம்பர் 1ஆம் தேதி முதல் நவம்பர் 30 ஆம் தேதி வரை http://www.trb.tn.gov.in என்ற இணைய தளம் வாயிலாக இத்தேர்வுக்கு விண்ணப்பிக்கலாம். அரசாணை எண் 149-ஐ பின்பற்றி, 2024 ஆம் ஆண்டு ஜனவரி 7ம் தேதி இந்த போட்டித் தேர்வு நடைபெறும் என ஆசிரியர் தேர்வு வாரியம் அறிக்கையில் தெரிவிக்கப்பட்டுள்ளது.
தமிழுக்கு 371 காலி பணியிடங்களும், ஆங்கிலத்துக்கு 214 பணியிடங்களும், கணிதத்துக்கு 200 பணியிடங்களும், இயற்பியலுக்கு 274 பணியிடங்களும், வேதியியலுக்கு 273 பணியிடங்களும், வரலாறுக்கு 346 பணியிடங்களும் நிரப்பப்பட உள்ளன.
செய்தியாளர்: மதியழகன்.
கருத்துரையிடுக