திண்டிவனம் அடுத்த தீவனூர் சுயம்பு பொய்யாமொழி விநாயகர் ஆலயத்தில் சங்கடஹர சதுர்த்தியை முன்னிட்டு இன்று சங்காபிஷேகம், ஊஞ்சல் உற்சவம் நடைபெற்றது.
விழுப்புரம் மாவட்டம், திண்டிவனம் அடுத்த தீவனூர் ஸ்ரீ சுயம்பு பொய்யாமொழி விநாயகர் ஆலயத்தில் புரட்டாசி மாத சங்கடஹர சதுர்த்தியை முன்னிட்டு மூலவர் சுயம்பு பொய்யாமொழி விநாயகருக்கு 108 சங்காபிஷேகம் செய்து மகா தீபாராதனை காண்பிக்கப்பட்டது.
தொடர் நிகழ்ச்சியாக பல்வேறு மலர்களால் அலங்கரிக்கப்பட்ட உற்சவரை ஊஞ்சலில் வீற்றிருக்க செய்து பல்வேறு தீபாராதனைகளும், சோடச உபசார பூஜைகள் செய்யப்பட்டது.
இதனைத் தொடர்ந்து மகா தீபாராதனையும், ஊஞ்சல் உற்சவமும் நடைபெற்றது. இதில் திரளான பக்தர்கள் கலந்து கொண்டு சுவாமி தரிசனம் செய்தனர்.
செய்தியாளர்: மதியழகன்.
கருத்துரையிடுக