மேல்மலையனூர் அங்காளபரமேஸ்வரி ஆலயத்தில் புரட்டாசிமாத மகாளய அமாவாசை ஊஞ்சல் உற்சவத்தில் இலட்சகணக்கான பக்தர்கள் தேங்காயில் சூடம் ஏற்றி சாமி தரிசனம்.
விழுப்புரம் மாவட்டம் மேல்மலையனூர் அருள்மிகு அங்காளம்மன் கோவிலில்(Oct 14) புரட்டாசிமாதம் மகாளய அமாவாசை ஊஞ்சல் உற்சவம் நடைபெற்றது. இதை முன்னிட்டு அதிகாலை மூலவர் அங்காளம்மனுக்கு பால், தயிர், பன்னீர், இளநீர், தேன், சந்தனம் உள்ளிட்ட பூஜைப் பொருட்களைக் கொண்டு சிறப்பு அபிஷேகமும் ஆராதனையும் நடைபெற்றது. தொடர்ந்து அங்காளம்மனுக்கு வெள்ளிக்கவசம் அணிவிக்கப்பட்டு மகா தீபாரதனை ஏற்றப்பட்டது.
இதனை தொடர்ந்து உற்சவர் அங்காளம்மனுக்கு பலவித மலர்களை கொண்டு வைஷனவி தேவி சிறப்பு அலங்காரம் செய்யப்பட்டு இருந்தது. இரவு 10.40 மணியளவில் பம்பை, உடுக்கை, மேளதாளம் இசைக்க வடக்கு வாசல் வழியாக உற்சவர் அங்காளம்மன் சிறப்பு அலங்காரத்தில் ஊஞ்சல் மண்டபத்தில் எழுந்தருளினார். அப்போது ஊஞ்சல் மண்டபம் எதிரில் இருந்த இலட்சக்கணக்கான பக்தர்கள் அங்காளம்மா தாயே அருள்புரிவாயே என கரகோஷத்துடன எலுமிச்சை பழம், தேங்காயில் கற்பூரதீபம் ஏற்றி அம்மனை வழிபட்டனர்.
தொடர்ந்து கோவில் பூசாரிகள் அங்காளம்மனை வாழ்த்தி தாலாட்டு பாடல் பாடினர். இரவு ஊஞ்சல் உற்சவம் முடிந்து அம்மனுக்கு தீபாராதனை நடைபெற்றது இதையடுத்து உற்சவர் அங்காளம்மனை கோயில் மண்டபத்திற்கு கொண்டு சென்றனர்.
ஊஞ்சல் உற்சவத்தில் விழுப்புரம் மாவட்ட ஆட்சித் தலைவர் டாக்டர் சி. பழனி குடும்பத்துடன் கலந்து கொண்டு சாமி தரிசனம் செய்தார்.
ஊஞ்சல் உற்சவத்திற்கு விழுப்புரம், கடலூர், சேலம்,வேலூர், திருவண்ணாமலை, காஞ்சிபுரம், சென்னை, உள்ளிட்ட பல்வேறு மாவட்டங்களில் இருந்தும், புதுச்சேரி, கர்நாடகா, ஆந்திரா, ஆகிய மாநிலங்களில் இருந்தும் லட்சகணக்கான பக்தர்கள் கலந்து கொண்டு சாமி தரிசனம் செய்தனர்.
விழாவிற்கான ஏற்பாடுகளை இந்து சமய அறநிலையத்துறை உதவி ஆணையர் மேல்மலையனூர் ஜீவானந்தம், அறங்காவலர் குழு தலைவர் செந்தில்குமார், அறங்காவலர்கள் தேவராஜ், ராமலிங்கம், செல்வம், சரவணன், வடிவேல், சந்தானம் மற்றும் கோவில் பணியாளர்கள் செய்திருந்தனர்.
ஊஞ்சல் உற்சவத்தை முன்னிட்டு 1000 -த்திற்கும் மேற்பட்ட காவல்துறையினர் பாதுகாப்பு பணியில் ஈடுபட்டிருந்தனர். தமிழ்நாடு அரசு போக்குவரத்து கழகம் விழுப்புரம் கோட்டத்தின் சார்பில் சிறப்பு பஸ்கள் இயக்கப்பட்டன.
செய்தியாளர்: மதியழகன்.
கருத்துரையிடுக