விழுப்புரம் மாவட்டம் திண்டிவனம் வட்டம் நடுவனந்தல் கிராம குளக்கரையில் அமைந்துள்ள அருள்மிகு ஸ்ரீ அங்காளம்மன் ஆலயத்தில் மாசி திருவிழா மயானகொள்ளை (02/03/2025) விமர்சையாக நடைபெற்றது.
விழாவை முன்னிட்டு மூலவர் அங்காளம்மனுக்கு பால், தயிர், சந்தனம், பன்னீர் உள்ளிட்ட பல்வேறு வாசனை பொருட்கள் கொண்டு சிறப்பு அபிஷேகம் செய்யப்பட்டு சந்தனக்காப்பு அலங்காரம் செய்து தீபாராதனை ஏற்றப்பட்டது.
இதனைத்தொடர்ந்து உற்சவ அங்காளம்மன் பல்வேறு மலர்கள் 30 கரங்களுடன் பிரம்மாண்ட அலங்காரத்துடன் பம்பை, உடுக்கை, நாதஸ்வரமேளம், நையாண்டிமேளம், இசைக்க ஆலயத்திலிருந்து பக்தர்கள் அக்னிசட்டி ஏந்தியும், குறத்தி, பாவடைராயன், களி உள்ளிட்ட பல்வேறு வேடமிட்டு முக்கிய வீதிகள் வழியாக ஆவேசமாக நடனமாடியவாறு மயானத்திற்கு சென்றனர்.
மயானத்தில் காளி அங்காளியாய் மண்ணால் உருவாக்கப்பட்ட வல்லாளகண்டன் உருவபொம்மையை வதம் செய்து அங்கு படையலிட்டிருந்த கொழுக்கட்டை, சுண்டல், காய்கறி, தானியங்களை ஆவேசத்துடன் மயானத்தில் கொள்ளை விடப்பட்டு விழா வெகு விமர்சையாக நடைபெற்றது.
இவ்விழாவில் ஏராளமான பக்தர்களும் பொதுமக்களும் கலந்து கொண்டனர் பொதுமக்கள் மற்றும் பக்தர்களின் பாதுகாப்பு கருதி காவல்துறையினர் பாதுகாப்புபணியில் ஈடுபட்டிருந்தனர்.
விழாவிற்கான ஏற்பாட்டினை அங்காளம்மன் ஆலய விழா குழுவினர்கள் மற்றும் கிராம பொதுமக்கள் செய்திருந்தனர்.
கருத்துரையிடுக