தேசிய அளவிலான மூத்தோர் தடகளப் போட்டியில் தங்கம் உள்ளிட்ட பதக்கங்கள் வென்ற காவலர்கள், பக்கங்களுடன் மாவட்ட காவல் கண்காணிப்பாளரை நேரில் சந்தித்து வாழ்த்து பெற்றனர்.
தேசிய அளவிலான 45 வது மூத்தோர் தடகள சாம்பியன்ஷிப் போட்டிகள் கடந்த 04. 03.2025 முதல் 09.03.2025 வரை கர்நாடக மாநில தலைநகரான பெங்களூரில் நடைபெற்றது.
இதில் தமிழ்நாடு அணி சார்பில விழுப்புரம் மாவட்டத்தைச் சேர்ந்த விழுப்புரம் தாலுகா காவல் நிலையத்தில் பணிபுரியும் முதல் நிலை காவலர் பிரகாஷ் வட்டு எறிதல் பிரிவில் தங்கப்பதக்கமும், ஈட்டி எறிதல் பிரிவில் வெண்கலபதக்கமும், திருவெண்ணைநல்லூர் காவல் நிலைய தலைமை காவலர் வரலட்சுமி தடை தாண்டும் ஓட்டத்தில் வெண்கல பதக்கமும் வென்றனர்.
கோட்டகுப்பம் அனைத்து மகளிர் காவல் நிலைய ஆய்வாளர் முத்துலட்சுமி குண்டு எரிதல் போட்டியில் நான்காமிடம் பெற்றார். மேலும் விழுப்புரம் அனைத்து மகளிர் காவல் நிலைய தலைமை காவலர் எழிலரசி, திண்டிவனம் காவல் நிலைய அன்பரசு ஆகியோர் இப்போட்டியில் பங்கேற்றனர்.
பதக்கங்களை வென்ற காவலர்கள் நேற்றைய தினம் பதக்கம் மற்றும் பாராட்டு சான்றிதழுடன் மாவட்ட காவல் கண்காணிப்பாளர் சரவணன் அவர்களை நேரில் சந்தித்து வாழ்த்து பெற்றனர்.
விழுப்புரம் மாவட்ட செய்தியாளர்: தமிழ். மதியழகன்.
கருத்துரையிடுக